नेपाल प्रहरीको केन्द्रीय अनुसन्धान ब्युरो (सिआइबी)ले दिपेश पुनसँग बयान लिएको छ। उनी पुर्व उपरास्ट्रपति नन्द बहादुर पुनका छोरा हुन ।
सोमबार दिउँसो सिआइबी कार्यालयमा बोलाएर उनीसँग तीन घण्टा बढी बयान लिएको उच्च स्रोतले जानकारी दियो।
६० किलो सुन प्रकरणमा पुनको पनि संलग्नता रहेको भन्ने आशंकामा प्रहरीले उनीसँग बयान लिएको हो। उनको दावा छिरिङसँगको सम्बन्ध रहेका कारण यसमा जोडिएको हुनसक्ने प्रहरीको बुझाइ छ।
प्रहरीले दावा छिरिङसँगको संवाद, उनी पुगेका ठाउँहरू पत्ता लगाइसकेको छ। दिपेश पुन माओवादीको विद्यार्थी संगठन अनेरास्ववियु (क्रान्तिकारी) का महासचिव पनि हुन्।
नक्कली भुटानी शरणार्थी प्रकरणमा पूर्वगृहमन्त्री तथा एमाले उपाध्यक्ष रामबहादुर थापा ‘बादल’का छोरा प्रतीकको पनि यसमा संलग्नता रहेको स्रोतले बतायो। प्रतीक अहिले फरार छन्।
अहिलेसम्म प्रहरीले यस प्रकरणमा २७ जनालाई पक्राउ गरेको छ।
