आइतवार, २८ जेठ २०८०
काठमाडाैं,
म्यानचेस्टर सिटीले इन्टर मिलानलाई १–० ले पराजित गर्दै युरोपेली च्याम्पियन्स लिगको उपाधि जितेको छ । यससँगै पेप ग्वार्डिओलाको सिटीले एकै सिजन तीन ठूला उपाधि चुमेको छ ।
बर्नार्डो सिल्भाले बनाएको अवसरमा रोड्रीले ६८ औं मिनेटमा निर्णायक गोल गरेका थिए । सिटीले यसअघि इंग्लिस प्रिमियर लिग र एफएकप जितेको थियो । सन् १९९९ मा म्यानचेस्टर युनाइटेडले एकै सिजन तीन उपाधि जितेयता सिटीले अहिले त्यस्तै उपलब्धी दोहराएको हो ।
प्रशिक्षक ग्वार्डिओला तेस्रो पल्ट च्याम्पियन्स लिग जित्न पनि सफल रहे ।
यसअघि उनले बार्सिलोनाका लागि यो उपाधि जितेका थिए । इंग्लिस फुटबलमा लगातार वर्चश्व कायम गरेयता सिटीले पहिलो पटक युरोपेली क्लब फुटबलको सबैभन्दा ठूलो उपाधि जितेको हो
