शनिबार, १६ असार, २०८०,
चितवन,
इच्छाकामना गाउँपालिका–५ तीन किलोमा आज बिहान फेरि पहिरो खसेपछि नारायणगढ–मुग्लिन सडकखण्ड पुनः अवरूद्ध भएको छ ।
तीन किलोमा सुख्खा पहिरो खसेपछि बिहीबार मध्याह्नबाट अवरुद्ध भएको सडक शुक्रबार साँझ ५ बजेबाट मात्र सञ्चालनमा ल्याइएको थियो ।
२८ घण्टा लगाएर पहिरो पन्छाएसँगै रोकिएर राखिएका सवारी साधनलाई गन्तव्यतर्फ पठाउने काम भइरहँदा आज बिहान तीन बजे पुनः पहिरो खसेपछि सडक अवरूद्ध भएको हो ।
बिहीबारदेखि रोकिएका सवारी साधनहरू शुक्रबार साँझ पाँच बजेपछि पास भएका थिए । तर आज पुनः अवरूद्ध भएपछि सवारीसाधन रोकिएका छन् । पहिरो पन्छाउने काम भइरहेको छ ।
सो सडक हुँदै दैनिक १० हजारभन्दा बढी सवारी आवतजावत गर्ने गर्दछन् ।
