मंगलबार, १९ असार, २०८०,
काठमाडौं,
अर्घाखाँचीमा पहिरोले घर पुरिदा तीन जना बालबालिकाको मृत्यु भएको छ ।
पाणिनी गाउँपालिका–१ गोवनपानीमा गंगा रास्कोटीको घर पहिरोले पुरिँदा तीन जना बालबालिकाको मृत्यु भएको वडाअध्यक्ष कमल प्रसाद पोखरेलले जानकारी दिए ।
आज बिहान करिब ५ बजेतिर आएको पहिरोले घर पुरेको थियो । घटनास्थलबाट तीन वटा शव निकालिएको र उनीहरुको सनाखत हुन बाँकी रहेको जिल्ला प्रहरी कार्यालय अर्घाखाँचीले जनाएको छ ।
घटनास्थलमा प्रहरी र स्थानीय उद्धारमा खटिएका छन् ।
