८ पुस बर्दिया । बर्दिया जिल्ला टेनिस संघ समिति गठन गरिएको छ ।
जिल्ला खेलकुद विकास समितिका अध्यक्ष रविन्द्र यादव, गुलरिया नगर खेलकुद विकास समितिका संयोजक युवराज श्रेष्ठ र बर्दिया जिल्ला व्याटमिन्टन संघका अध्यक्ष बालकृष्ण ओली लगायतको उपस्थितिमा समिति गठन गरिएको हो ।
गठन गरिएको समितिमा अध्यक्ष बालकृष्ण ओली, उपाध्यक्ष महेश विश्वकर्मा , सचिव दीपककुमार शर्मा , कोषाध्यक्ष बर्नि भण्डारी रहनु भएको छ यसै गरी महेमुद अली मनिहार, तुलु मल्ल ठकुरी, कमलबहादुर खडका,संगीता गिरी र तर्क थापा सदस्य सहित ९ जनाको जिल्ला समिति गठन गरिएको हो । संघ अध्यक्ष बालकृष्ण ओलीले बर्दियामा पहिलो पटक गठन गरिएको हुँदा यस विषयमा जिल्लाका ८ वटै पालिका जिल्ला खेलकुद विकास समिति लगायतका सम्वन्धित निकायलाई जानकारी गराइने बताउनु भयो । साथै उहाले जिल्लामा टेनिस खेललाई पनि प्रोत्साहन गर्नका लागी र खेलाडी उत्पादन गर्नका लागी सवैको सहयोग र समन्वयको आवश्यकता रहेको बताउनु भयो ।
