२३ भदौ काठमाडौं । वर्षायामलाई ध्यानमा राख्दै एसियन क्रिकेट काउन्सिलले भारत–पाकिस्तान खेलको लागि रिजर्भ डे राख्ने निर्णय गरेको छ ।यसको मतलब अब यदि खेल १० सेप्टेम्बरमा सकिएन भने अर्को दिन अर्थात् ११ सेप्टेम्बरमा सम्पन्न हुनेछ । यो खेल कोलम्बोको आर प्रेमदासा स्टेडियममा हुनेछ ।कोलम्बोमा आगामी दुई सातासम्म भारी वर्षा हुने अनुमान गरिएको छ, जसलाई मध्यनजर गर्दै यो निर्णय गरिएको हो ।यसबाहेक अन्य कुनै खेलमा वर्षा भए रद्द हुन सक्नेछ । एसिया कपको समूह चरणमा भारत र पाकिस्तानबीचको खेल वर्षाका कारण रद्द भएको थियो ।यस खेलमा भारतले पहिले ब्याटिङ गर्दै २६६ रन बनाएको थियो तर वर्षाका कारण पाकिस्तानले ब्याटिङ गर्न सकेन ।
