बिहिवार, जेष्ठ ३२, २०८०
काठमाडौँ
क्रोएसियाले बुधबार नेदरल्यान्ड्सलाई ४–२ ले पराजित गर्दै नेसन्स लिगको फाइनलमा प्रवेश गरेको छ । ब्रुनो पेटकोझिच र लुका मोडरिचले अतिरिक्त समयका गरेको गोलका कारण क्रोएसिया फईनल पुगेको हो ।
गत वर्षको विश्वकपमा सेमिफाइनल पुगेको क्रोएसियाले अब देशका लागि पहिलो उपाधि जित्न सक्ने संघारमा पुगेको छ ।
नेदरल्यान्ड्सले डोनयेल मालेनको गोलले अग्रता लिएपछि क्रोएसियाका लागि आन्द्रेज क्रामारिच र मारिया पासालिचले गोल गरे । नोआ लांगले ९६ औं मिनेटमा गोल गर्दै खेल बराबरीमा ल्याएपछि प्रतिस्पर्धा अतिरिक्त समयमा गएको थियो । त्यसै त्रममा क्रोएसियाले आफ्नो टिम अतिरिक्त समयको सबैभन्दा बलियो टिम भएको सावित गरेको थियो ।
बिहीबार हुने दोस्रो सेमिफाइनलमा खेल स्पेन र इटालीबीच हुनेछ ।
