बिहिवार, ३२ जेठ, २०८०
काठमाडाैं,
हङकङमा भइरहेको महिला इमर्जिङ टिम्स एसिया कपमा नेपालले आज भारत ए को सामना गर्ने छ ।
नेपाल र भारत–ए बीचको खेल नेपाली समय अनुसार बिहान ११: 15 बजे मोङ्ग कोस्थित मिसन रोड ग्राउण्डमा सुरु हुनेछ ।
नेपाल आज पहिलो जितको खोजीमा छ । तर, भारत बलियो टोली हो । भारतले पहिलो खेलमा घरेलु टोली हङकङलाई सहजै ९ विकेटले पराजित गरेको थियो ।
समूह ए मा रहेको नेपाल पहिलो खेलमा पाकिस्तान–ए सँग प्रतिस्पर्धातम्क खेलमा ९ रनले पराजित भएको थियो ।
यू–१९ विश्वकप विजेता स्वेता सेरावतको कप्तानीमा रहेको भारत– ए मा युवा खेलाडीहरुको बाहुल्य छ ।
