साेमबार ,१५ जेठ, २०८०,
इन्डियन प्रिमियर लिग (आईपीएल)को फाइनल खेल आज हुँदै छ । हिजो वर्षाका कारणले खेल अवरुद्ध भएको थियो । उपाधि भिडन्त आज ‘रिजर्भ डे’ का लागि सारिएको थियो।
फाइनलका लागि चार पटकको च्याम्पियन चेन्नई सुपर किङ्ग्स र डिफेन्डिङ च्याम्पियन गुजरात टाइटन्स भिड्दै छन् । यी दुई टोली पहिलो पटक आपसमा उपाधिका लागि भिड्न लागेका हुन् ।
तर, आज पनि खेल हुने स्थानमा पानी पर्ने सम्भावना छ । भारतीय सञ्चारमाध्यमका अनुसार आइतबार जस्तै आज पनि अहमदाबादमा भीषण वर्षा हुने पूर्वानुमान गरिएको छ ।
खेल अहमदाबादको नरेन्द्र मोदी रङ्गशालामा हुने र नेपाली समय अनुसार साँझ ७ः४५ बाट शुरू हुनेछ ।
