आइतबार,७ जेष्ठ, २०८०,
काठमाडौं,
चेन्नाई सुपर किंग्स र लखनउ सुपर जायन्ट्सले शनिबार इन्डियन प्रिमियर लिगको प्लेअफमा आफ्नो स्थान निश्चित गरेका छन् । चेन्नाईले दिल्ली क्यापिटल्सलाई ७७ रनले पराजित गर्यो त्यस्तै लखनउले कोलकाता नाइट राइडर्सलाई एक रनले पराजित गर्यो ।
जितपछि चेन्नाई सत्र अंक सहित लिग तालिकाको शीर्ष दुईमा रहने निश्चित भयो । अब चेन्नाईले क्वालिफायर–वानमा अठार अंक सहित शीर्ष स्थान रहेको गुजरात टाइसन्सको सामना गर्नेछ ।
लखनउले भने इलिमिनेटर खेल्नेछ । लखनउ सत्र अंक सहित तेस्रो स्थानमा छ । उसले चौथो स्थानमा रहेको टिमसँग खेल्ने छ र यो टिमको निर्धारण आइतबारका दुई खेलको नतिजाले हुनेछ ।
आईतबारहुने दुई खेलमा मुम्बईले र सनराइज हैदरावादको सामना गर्दै छ भने रोयल च्यालेन्जर्स बेंगलोरले गुजरातसामु आफ्नो चुनौती पेस गर्दै छ । यि दुई खेलको नतिजाबाट शिर्ष चारको टुङ्गो लाग्ने छ ।
