साेमबार, १५ साउन, २०८०,
दाङ,
आइतबार दाङमा १७ किलो चित्तलको सुकुटीसहित प्रहरीले तीन जनालाई पक्राउ गरेको छ ।
लमहीदेखि घोराहीतर्फ जाँदै गरेको रा २ प ६१९५ नम्बरको मोटरसाइकल र बा ९१ प ११०७ नम्बरको मोटरसाइकल घोराही उपमहानगरपालिका–३ कुईरेपानीमा जाँच गर्दा प्लास्टिकको जेब्रा झोलामा चित्तलको सुकुटी बोकेको भेटिएपछि सुकुटीसहित उनीहरुलाई पक्राउ गरेको जिल्ला प्रहरी प्रवक्ता डिएसपी राजनकुमार गौतमले बताए ।
पक्राउ पर्नेमा लमही नगरपालिका–६ का ४५ वर्षीय नुरबहादुर कुमाल, गढवा गाउँपालिका–६ का ३० वर्षीय मनोज थापा मगर र ३१ वर्षीय करण केसी रहेका छन् |
उनीहरुलाई आवश्यक कारबाहीका लागि डिभिजन वन कार्यालय घोराहीमा बुझाइएको छ ।
