३ जेठ डोटी । डोटिमा नक्कली डाक्टर पक्राउ परेका छन । जिल्ला प्रहरी कार्यालय डोटीले नक्कली ‘डाक्टर’लाई पक्राउ गरेको छ । डोटीको राजपुरमा स्वास्थ्य शिविर सञ्चालन गरी ठगी गरेको आरोपमा प्रहरीले एक नक्कली ‘डाक्टर’सहित दुईजनालाई पक्राउ गरेको हो ।प्रहरीका अनुसार, नक्कली ‘डाक्टर’ महाकाली नगरपालिका–४, दाका ४४ वर्षीय भूपेन्द्रबहादुर क्षेत्री र उनका सहयोगी भीमदत्त नगरपालिका–१८ का ४६ वर्षीय पुष्कर गुनीयाललाई पक्राउ गरिएको हो । उनीहरूका कागजपत्र हेर्दा शंका लागेपछि नेपाल मेडिकल काउन्सिल काठमाडौंमा पठाउँदा डाक्टर भनिएका क्षेत्रीको प्रमाणपत्र दर्ता नभएको पाइएकाले बुधबार दुवैजनाविरुद्ध इजलाजसम्बन्धी कसुरमा मुद्दा दर्ता गरिएको छ ।
