दीपक शर्मा
१६ बैशाख बाँक । युटयुव हेरेर बनाएको कटुवा पेस्तोल पडकिदा १६ वर्षिय बालक घाइते भएका छन ।
बाँके जिल्लाको राप्ती सोनारी गाँउपालिका ५ चाचरफर्काका १६ वर्षिय सचिन थारु घाइते भएको जिल्ला प्रहरी कार्यालय बाँकेका सूचना अधिकारी नारायण डाँगीले बताउनु भयो ।सचिनले युटयुव हेरेर कटुवा पेस्तोल बनाएका थिए । उक्त पेस्तोल आफनै पाइन्टको पछाडि गोजीमा राखेको र निकाल्ने बेला पटकिएको प्रहरीले जनाएको छ । प्रहरीका अनुसार दाहिने खुटटाको पछाडिको हिपमा छर्रा गाडिदा थारु घाइते भएका छन । उनको मेडिकल कलेज नेपालगञ्जमा उपचार भैरहेको छ भने अवस्था सामान्य रहेको छ ।
