२३ फागुन बर्दिया । खानेपानी तथा सरसफाई डिभिजन कार्यालय नेपालगञ्ज बाँकेको आयोजनामा मर्मत संभार कार्यकर्ताको तालिम सम्पन्न भएको छ । खानेपानी तथा सरसफाई डिभिजन कार्यालय अन्तर्गत फिल्ड कार्यालय बर्दियामा भएको आयोजना मर्मत संभार तालिममा बर्दिया जिल्लाका २४ जनाको सहभागीता रहेको थियो । फागुन १६ गते देखि फागुन २१ गते सम्म चलेको तालिममा सहभागीहरुलाई प्रमाणपत्र वितरण गर्दै खानेपानी तथा सरसफाई डिभिजन कार्यालय नेपालगञ्ज काँकेको प्रमुख तिलक न्यौपानेले सिपलाई व्यवहारमा उतार्नका लागी जागरुक हुनुपर्ने बताउनु भयो साथै उहाले यो रोजगार मुलक तालिम भएको हुँदा यसलाई सदुपयोग गर्न पनि आग्रह गर्नु भयो । पानी जिवन हो यसको सहि सदुपयोग गरौं , स्वास्थ्य र सरसफाई स्वस्थ्य नागरिक राष्टलाई भन्ने नाराका साथ आयोजना गरिएको तालिममा तालिममा खगेन्द्र खत्री, छविलाल वास्तोला , मनराज पुनले तालिम प्रदान गर्नु भएको थियो ।
