४ असोज काठमाडौं । देशभरका शिक्षक विद्यालय बन्दगरेर बुधबारदेखि काठमाडौं केन्द्रित सडक आन्दोलनमा छन् । आफ्ना विभिन्न माग पूरा गराउन उनीहरूले सरकारलाई दबाब दिएका हुन् ।
नेपाल शिक्षक संघको अगुवाइमा विद्यालय नै बन्द गरेर शिक्षकहरू सडकमा उत्रिएका छन् । बिहीबार उनीहरूले नयाँ बानेश्वरस्थित निषेधित क्षेत्रमा प्रवेश गर्ने प्रयास गरे । त्यसक्रममा शिक्षक र प्रहरीबीच धकेलाधकेल भएको छ । सो क्षेत्रमा तनावको स्थिति देखिएको छ । शिक्षा मन्त्रालयले वार्तामा समेत बोलाउदा नगएका शिक्षकको आन्दोलनको समर्थन पनि जुटदै गएको छ ।
