१५ मंसीर बर्दिया । बर्दियामा गैडाको आक्रमणमा परी एक जना व्यक्ति गम्भिर घाइते भएका छन ।
जिल्लाको मधुवन नगरपालिका बडा नं ३ को गौरि सामुदायिक वन नजिक घास काट्ने क्रममा गैडाको आक्रमणबाट ७० वर्षिय गहनु थारु गम्भिर घाइते भएका हुन ।खाता कोरिडोर क्षेत्रमा पर्ने गौरी सामुदायिक वन नजिक घास काट्ने क्रममा मधुवन नगरपालिका बडा नं ३ निवासी ७० बर्षियगहनु थारु लाई आज करिब दिनको २ बजे गैँडाले आक्रमण गर्दा सख्त घाइते भएको डिभिजन वन कार्यालय बर्दियाका प्रमुख प्रवीण बिडारीले जानकारी दिनु भयो ।घाइतेको जिल्ला अस्पताल बर्दियाबाट रिफर गरि थप उपचारका लागि भेरि अस्पताल नेपालगन्ज पठाईएको छ।
