५ मंसीर दाङ । दाङको तुलसीपुरमा एउटा घरकोबन्द कोठाभित्र सहोदर दाजुभाइ मृत अवस्थामा फेला परेका छन्।तुलसीपुर उपमहानगरपालिका वडा नम्बर १६ डोक्रेना घर भई तुलसीपुर– ६ गाइडहरमा कोठा भाडामा बस्दै आएका ३४ वर्षीय पूर्णबहादुर बस्नेत र उनका ३० वर्षीय भाइ टेकबहादुर बस्नेत कोठाभित्र मृत अवस्थामा फेला परेका हुन्।
इलाका प्रहरी कार्यालय तुलसीपुरका प्रमुख डिएसपी ठाकुरप्रसाद पोखरेलले बेलुकी ६ बजेतिर उनीहरू कोठामा मृत अवस्थामा फेला परेको सूचना प्राप्त भएको बताए। गएर हेर्दा दाजुभाइ एउटै कोठाका दुई खाटमा मृत अवस्थामा फेला परेको उनले जानकारी दिए।मृतकमध्ये टेकबहादुरकी श्रीमती रूकुम पश्चिमस्थित माइती गएको बताएकी छन्। त्यहाँबाट नफर्किँदासम्म ढोका नखोल्न उनले आग्रह गरेकाले प्रहरीले बाहिरबाटै सुरक्षा दिएको डिएसपी पोखरेलले जानकारी दिए।दाजुभाइ बस्दै आएको घरमा घरबेटी बस्दैन थिए। तुलसीपुर बजारदेखि नजिकै रहेको डोक्रेनाका बस्नेत दाजुभाइ के उद्देश्यले र कहिलेदेखि त्यहाँ बस्दै आएका थिए भन्ने समेत खुलिनसकेको डिएसपी पोखरेलले बताए।प्रारम्भिक रूपमा दाजुभाइले विषादी सेवन गरी आत्महत्या गरेको आशंका भएको एक प्रहरीले बताएको छ ।
