१३ असोज काठमान्डौ । तस्करहरुले सुन ओसार्नमा अब सुरक्षा निगरानी कमजोर रहेका ठाउँहरु दोलखाको लामा बगरतिर ध्यान बिकेन्दृत गर्नुका अलावा महिलाहरुलाई समेत प्रयोग गर्न थालेको पाइएको छ ।
यसक्रममा त्रिभुवन अन्तर्राष्ट्रिय विमानस्थलमा महिला यात्रुको भित्री बस्त्रबाट तीन किलो सुन बरामद भएको छ । f z 575 नम्बरको उडानमा हिजो बेलुकी सवा ७ बजे दुबईबाट आएकी फिलिपिनो महिला मानालाङ्ग एरोन्स रेबिकन राहदानी नम्बर [po 369989b जन्ममिति 1992 नोभेम्बर ४] ले ल्याएको अवैध सुन प्रहरीले समातेको हो ।
ब्राभित्र स्तनको काप,पेन्टी र प्याडमा ७ पोका गरी २ किलो छ सय ग्राम अबैध सुन ल्याइरहेकी ती महिला भन्सार पास भैसकेपछि पक्राउ परेकी थिइन् । विमानस्थल प्रहरी प्रमुख अर्जुनचन्द ठकुरीका अनुसार सादा पोशाकका प्रहरीद्वारा उनलाई सवा ८ बजे बल्ल नियन्त्रणमा लिइएको हो ।सुन पठाउने र जिम्मा लिनेको नाम बताउन नमानेकी उनलाई गौशाला प्रहरीको हिरासतबाट भोलि थप कार्वाहीका लागि भन्सार कार्यालय,कार्गो कम्प्लेक्स पठाउने तयारी भैरहेको बुझिएको छ ।
