२९ भदौ बर्दिया । बर्दियामा बालकको अपहरणको प्रयास गर्ने एक व्यक्तिलाई स्थानियले नियन्णमा लिइ प्रहरीको जिम्मा लगाएका छन ।
जिल्लाको गुलरिया नगरपालिका ४ तुल्सिपुरका विक्रमउचै ठकुरीका ५ वर्षिय बालक दिलभ उचै ठकुरीलाई ललाई फकाई घर देखि करिब ३ किलो मिटर दक्षिण तर्फ लैजादै गरेको अवस्थामा स्थानियले नियन्त्रणमा लिएका कारण बालकको अपहरण प्रयास असफल भएको स्थानियवासीको भनाई रहेको छ ।
अपहरणको प्रयास गर्ने सल्यान घर बताउने पदम राज रावत रहेको जिल्ला प्रहरी कार्यालय बर्दियाले जनाएको छ । रावतले बालकलाई किन अपहरण गर्ने प्रयास गरेका हुन भन्ने विषयमा अनुसन्धान भैरहेको प्रहरीले जनाएको छ ।
